مين "شغف" ؟
في "شغف" بنقدم العلوم لطفلك فى شكل لعبة مسلية، علشان ندمج بين العلوم والمهارات اللي طفلك بيحبها زي التلوين أو مثلًا الفك والتركيب أو الملاحظة والاكتشاف أو حل الألغاز ، ومن هنا بنكسر الصورة النمطية إن التعليم ممل ومعقد .. وبنغير الروتين اللي بيفقد للطفل شغفه في التعلم ،
ومهمتنا إننا نخلي العلم أولوية عند طفلك ونعرضه بشكل مفهوم ومشوق وممتع لأقصى درجة. الفضول وحب التجربة والاكتشاف صفات موجودة في كل الأطفال وده واحد من أهم مفاهيم الشغف .. علشان كده هدفنا في “شغف” إننا نركز على الفضول الإيجابي عند الأطفال ونوجهه للعلم والمعرفة .. احنا كمان بنؤمن بقوة إن كل طفل فيه روح عَالِم كبير
ومن هنا بيجي دورنا اننا نغذي فضولهم العلمي الفطري بإتاحة وتوفير حاجات تثير رغبتهم وشغفهم في التعلم زي :
- التعلم من خلال اللعب
- تجارب تفاعلية مسلية توسع خيالهم.
- شرح مفصل وعميق يسهل الفهم الحقيقي ويغذي الفضول لمعرفة اكبر .
